Jody Lukoki rutahizamu ukomoka muri Repubulika iharanira ya Demokarasi ya Congo, yapfuye ku wa Mbere, itariki 9 Gicurasi 2022, akaba yapfuye afite imyaka 29.
Amakuru ahari nuko yatewe icyuma n’itsinda ry’abagizi ba nabi mu ijoro ryo ku cyumweru itariki ya 8 Gicurasi.
Uyu Nyakwigendera yanyuze mu Academy ka Ajax akaba yarafitanye amasezerano nayo yo kugeza mu 2014. Jody Lukoki wakinaga imbere ku ruhande yakinnye imikino 35 mu ikipe nkuru, nyuma yo gutizwa yakiniye PEC Zwolle, Ludogorets (Bulgaria), Malatyaspor (Turkiya) na FC Twente, aho atigeze akina umukino n’umwe kubera imvune.
FC Twente na Lukoki batandukanye muri Gashyantare nyuma y’uko umusore w’imyaka 29 ahamwe n’icyaha cyo gukubita umukunzi we. Ikipe n’umukinnyi bahise batangira ibiganiro kugirango bahagarike amasezerano yagombaga kugeza hagati muri 2023.
Jody Lukoki yakiniye Repubulika ya Demokarasi ya Congo imikino itatu mpuzamahanga.
