Rutahizamu Pierre Emerick Aubameyang ukomoka muri Gabon, yagarutse mu Bwongereza mu ikipe ya Chelsea ahabwa numero 9 itavugwaho rumwe.
Uyu rutahizamu utari wishimye mu ikipe ya FC Barcelona yabonye ibyangombwa bimwemerera kwerekeza muri Chelsea ku masezerano y’imyaka ibiri.
Muri Mutarama uyu mwaka ni bwo Aubameyang yavuye mu ikipe ya Arsenal yerekeza muri FC Barcelona yari ifite ikibazo cya ba rutahizamu. Mu mikino 18 yari amaze gukinira Barcelona yatsinzemo ibitego 18.
Aubameyang mu ikipe ya Chelsea azajya yambara nimero 9,Iyi nimero yaherukaga kwambarwa na Lukaku mbere y’uko atizwa ndetse akaba yarayambaye ivuye kuri Tammy Abraham. Abandi bambaye iyi nimero ni Steve Sidwell, Franco Di Santo, Fernando Torres, Radamel Falcao, Alvaro Morata na Khalid Boulahrouz.
Aubameyang yaherukaga kwambara number 9 akiri mu Bufaransa mu ikipe ya Saint-Etienne mu mwaka w’imikino 2010-11 no mu ikipe ya Dijon mu 2008. Muri Barcelona, Aubameyang yambaraya nimero 17, ubu iri kwambarwa na Raheem Sterling muri Chelsea.
Aubameyang mu ikipe ya Chelsea azajya yambara nimero 9
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433, +25078339990
