Umuryango wa Uwiragiye Marie Chantal wo mu Karere ka Bugesera, uri mu byishimo byo kwibaruka abana bane barimo abahungu babiri n’abakobwa babiri, nyuma y’imyaka 15 yari ishize utegereje urubyaro.
Uyu mubyeyi yabyaye aba bana mu ijoro ryo kuri Noheli ku wa 25 Ukuboza 2022, bavukira mu Bitaro bya Kigali Byitiriwe Umwami Faisal.
Urwego rw’Igihugu rw’Itangazamakuru(RBA), rwatangaje ko Uwiragiye Marie Chantal yavuze ko yari yarivuje mu Nzego z’Ubuzima zitandukanye ariko biranga.
Uwiragiye wibarutse aba bana abazwe, avuga ko mbere yo kubabyara hari izindi nda eshanu zari zaravuyemo.
Uyu mubyeyi avuga ko bitewe n’igihe yari amaze yivuza byamumazeho amafaranga we n’umuryango we, agasaba ko yakunganirwa mu kwishyura ibi bitaro ndetse no kubona ikizatunga aba bana.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu.
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433,, +250783399900.
