Rayon Sports ikipe ya rubanda nyamwinshi dore ko banayihaye izina rya Gikundiro ishobora kurara yisanze muruhando rwa makipe ahatnira igikombe nyuma y’umunsi wa 27 igihe yatsinda umukino urabera i Rusizi kuri iki cyumweru tariki 30 Mata 2023 urayihuza na Espoir FC.
Ikipe ya ya Rayon Sports kugeza ubu iri ku mwanya wa gatatu n’amanota 52, aho irushwa amanota atanu na Kiyovu Sports ya mbere ifite amanota 57, ikaba ikurikiranye na APR FC iri kumwanya wa kabiri n’amanota 54.
Uyu mukino uvuze byinshi ku ikipe ya Rayon Sports mu gihe ya wutsinda bikaba byayifasha gusubira mu makipe ahataniye Igikombe cya Shampiyona mu buryo bweruye mu gihe hazaba hasigaye imikino itatu gusa ngo uyu mwaka w’imikino wa 2022/23 ugere ku musozo.
Kugeza ubu inzira y’amakipe atatu ahataniye igikombe asa naho itagoye cyane urebye amakipe azagenda ahura nazo ,gusa siko bigenda kuko birangira ikibuga kigaragaje ibyacyo.
Nyuma y’umukino Rayon Sports isabwa gutsinda kugirango yizere kuzatwara igikombe ,izaba isigaje imikino izahuramo n’amakipe ya Gorilla FC, Marines FC na Sunrise FC.
Kiyovu Sports isigaje Musanze FC, Sunrise FC na Rutsiro FC naho APR FC ikaba isigaje guhura na Espoir FC, Rwamagana City FC na Gorilla FC.
Amahirwe yo gutwara igikombe ashobora kurara yiyongereye mu gihe Gikundiro yatsinda Espoir FC ku munsi 27 wa Shampiyona y’u Rwanda.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu.
