Gacinya Chance Denis mwibaruwa yandikiye FERWAFA yavuze ko kugeza magingo aya nemerewe kwiyamamaza nk’uko byemejwe mu bujurire.
Mpakanye kandi sinemeye ibikubiye mu ibaruwa yanyu iduhakanira kwiyamamaza ndetse tukaba twiteguye gushyikiriza ikibazo cyacu inzego za CAF na FIFA kugira ngo aka karengane gacike burundu maze tugire umupira ushingiye ku mucyo.
Gacinya Chance Denis yari yatanze kandidatire ku mwanya wa visi perezida wa kabiri muri FERWAFA ushinzwe tekinike mu matora azaba tariki ya 24 Kamena 2023.
Komisiyo y’amatora yaje kugaragaza ko atemerewe kwiyamamaza ajya kujurira muri Komisiyo y’ubujurire maze ivuga ko ubujurire bwe bufite ishingiro yemerewe kwiyamamaza.
Uyu munsi Komisiyo y’amatora yaje kongera kumumenyesha ko atemerewe kwiyamamaza muri aya matora kubera ko atujuje ubunyangamugayo.
Gacinya Chance Denis yahesheje igikombe cy’Amahoro cya Rayon Sports 2016 ndetse na shampiyona ya 2016-17.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu.
