Cristiano Ronaldo,yongeye gushimangira ko ari umwami wa UEFA Champions League ubwo yafashaga ikipe ye ya Manchester United gutsinda Atalanta ibitego 3-2 .
Atalanta yafunguye amazamu ku munota wa 15 ku gitego cyinjijwe na Mario Pasalić ku mupira wari uhinduwe na Davide Zappacosita.
Manchester United yashakaga kwishyura, nuko ku munota wa 29, Atalanta yabonye koruneri yatewe na Koopmeiners, umupira ushyirwa mu izamu na Merih Demiral n’umutwe.
Manchester United yabonye igitego cya mbere cyo kwishyura ku munota wa 52 cyinjijwe na Marcus Rashford
Manchester United yakomeje gusatira, nuko ibona igitego cya kabiri cyo kwishyura ku munota wa 74, cyinjijwe na Kapiteni wayo, Harry Maguire.
Cristiano Ronaldo wakinaga umukino wa 300 muri Manchester United niwe watsinze igitego cyahesheje intsinzi United ku munota wa 81,yatsindishije umutwe ku mupira mwiza cyane yahawe na Luke Shaw.
Nyuma y’umukino,Cristiano Ronaldo abinyujije ku mbuga nkoranyambaga yagizati “Yego! Theatre of Dreams yahiye!Turacyahari! .Turi Manchester United kandi ntituzigera ducogora! Iyi ni Old Trafford!.
Uko yose yagenze kuri uyu wa Gatatu:
Itsinda E
FC Barcelone 1-0 Dynamo Kyiv
Benfica 0-4 Bayern Munich
Itsinda F
Manchester United 3-2 Atalanta
Young Boys 1-4 Villarreal
Itsinda G
FC Salzburg 3-1 Wolfsburg
Lille 0-0 Seville C.F
Itsinda H
Chelsea 4-0 Malmö
Zenit St Petersburg 0-1 Juventus
Mushobora kudukurikirana ku mbuga nkoranyambaga zacu mukajya muba aba mbere mu kubona amakuru agezweho buri munsi.Kanda hano udukurikirane kuri Facebook, Kanda hano udukurikirane kuri Twitter cyangwa ukande hano ukore subscribe kuri Youtube
