Boris Johnson Minisitiri w’Intebe w’u Bwongereza , yatangaje ko umuntu wa mbere muri iki gihugu yishwe na virusi ya Omicron, imwe mu zitera icyorezo cya Covid-19.
Ubuyobozi bw’iki gihugu butangaza ko iyi virusi nshya ya Omicron ikomeje gutuma abantu benshi baremba ndetse bakajyanwa mu bitaro. Imwe mu ngamba zitezweho guhangana n’iki kibazo ni uko abantu bose bafata urukingo rushimangira.
Minisitiri w’Intebe, Boris Johnson, wari wasuye ahatangirwa inkingo za Covid-19, mu ivuriro riherereye i Paddington mu Mujyi wa London, yavuze ko Omicron ihangayikishije kandi imaze guhitana umuntu umwe.
yagizati “Omicron ikomeje gutuma abantu baremba bakajya mu bitaro kandi nibura umurwayi umwe wa Covid-19 ni we bimaze kwemezwa ko yishwe na Omicron.”
Yakomeje agira ati “Rero ikintu cyiza twakora ni uko twese twafata urukingo rushimangira.”
Minisitiri w’Ubuzima mu Bwongereza, Sajid Javid, yavuze ko nibura abantu 10 ari bo bamaze kujyanwa mu bitaro baranduye iyi virusi ya Omicron.
Minisitiri w’Intebe w’u Bwongereza, Boris Johnson
Mushobora kudukurikirana ku mbuga nkoranyambaga zacu mukajya muba aba mbere mu kubona amakuru agezweho buri munsi.Kanda hano udukurikirane kuri Facebook, Kanda hano udukurikirane kuri Twitter cyangwa ukande hano ukore subscribe kuri Youtube
