Ubushakashatsi bwakorewe muri Afurika y’Efo bwagaragaje ko hari intare n’inyamaswa zo mu bwoko bwa ‘puma’ zo muri iki gihugu zanduye icyorezo cya COVID-19.
Ubu bushakashatsi bwakozwe nyuma y’uko izi nyamaswa zigaragaje ibimenyetso nk’ibyo umuntu wanduye COVID-19 agira, birimo inkorora no guhumeka nabi.
Nyuma yaho izi nyamaswa zahise zifatwa ibipimo ndetse biza kugaragara ko zanduye COVID-19. Birakekwa ko zaba zarandujwe n’abakozi ba pariki zibarizwamo.
Aba bashakashatsi bagaragaje impungenge z’uko abatuye Isi bakwibasirwa na virusi nshya, mu gihe Coronavirus yagera mu mibiri y’inyamaswa ikihinduriza nyuma nazo zikazongera kuyanduza abantu.
Si ubwa mbere inyamaswa yandura COVID-19 kuko umwaka ushize hari n’ingwe iba muri pariki y’i New York yayirwaye.
