Kuri uyu mugoroba tariki 08 Werurwe 2022 habaye imikino 1/8 kirangiza cya Champions League aho habaye imikino 2 yahuje Livepool na Enter Milan undi mukino ukaba wahuje Bayern Munich na Red Bull Salzburg.
Yari imikino itoroshye kuko umukino wahuje Enter Milan na Liverpool aho Liverpool ariyo yari yakiriye Inter ku kibuga Anfield Road umukino ukaba warangiye ari igitego 1-0 cya Enter Milan ariko kubera ko Liverpool ku mukino ubanza yari yatsinze Inter ibitego 2-0 biyiha amahirwe yo kwinjira muri 1/4 kirangiza kuko igiteranyo cy’ibitego bya Liverpool byabaye 2 kuri 1 cya Milan.
Ku munota wa 61 niho umunya-Argentine Lautaro Martinez yaboneye igitego cy’itsinzi Inter gusa nticyari gihagije ngo iyi kipe ibashe gukomeza.
Inter Milan yarangije umukino ifite abakinnyi 10 mu kibuga, nyuma y’ikarita itukura yeretswe umunya-Chile Alexis AleandroSanchez ku munota wa 63.
Kurundi ruhande Bayern Munich yandagaje Red bull Salzburg yo muri Autriche aho yayitsinze ibitego 7-1 bivuzeko yahise iyisezerera kuko uteranyije ibitego byose bya Bayern Munich igiteranyo cyahise kiba ibitego 8-2 kuko umukino ubanza bari banganyije igitego 1-1
Mu minota 23 gusa niyo byasabye rutahizamu Robert Lewandowski kuba yinjije ibitego 3 mu gice cya mbere cy’umukino,nyma ku munota wa 31 Serge Gnabry aza gushyiramo igitego cya 4.
Ntibyaciriye aho kuko mu gice cya 2 ku munota 54 nuwa 83 Thomas Muëller yashyizemo ibitego 2 ni mugihe igitego cya gashinguracumu cya Bayern Munich cyashyizwemo na Leroy Sané birangira yegukanye itsinzi yo kujya muri 1/4.
Gusa Salzburg nayo ntiyatahiyaho kuko ku munota wa 70 yabonye igtego cy’impozamarira gitsinzwe nu nya Denmark Maurits Kjaergaard winjiye mu kibuga asimbura.
Andi makipe agera muri 1/4 cy’irangiza aramenyekana kuri uyu wa Gatatu hagati ya Real Madrid yakira PSG na Manchester City yakira Sporting
Lisbon.
