Wari umunsi wa 21 ubwo Champion y’umupira w’amaguru w’u Rwanda yakomezaga Kiyovu Sports ibyitwaramo neza aho yari yakiriye Etincelles FC ikayitsinda igitego 1-0.
Mugenzi Bienvenue niwe wafashije Kiyovu Sports kubona itsinzi yuyumunsi biyifasha kurara ku mwanya wa mbere ku rutonde rwa shampiyona.
Kurundi ruhande ikipe ya APR FC yatsikiye i Huye na Mukura VS aho yari ku mwanya wa mbere bituma itakaza uyu mwanya uhita ufatwa na Kiyovu Sports cyane ko Kiyovu yumvaga igomba gukora ibishoboka ikararana umwanya wa mbere aho yifuza gutwara igikombe APR FC doreko bisa nibimaze kuba akamenyero ko yegukana igikombe buri gihe.
Uyu mukino aya makipe yanganyije igitego 1-1 aho ku munota wa 23 APR yabonye igitego gitsinzwe na Kwitonda Alain Bacca, nyuma ku munota wa 65 Mukura Vs ibona igitego cyayo cyo kwishyura gitsinzwe na Opoku Mensah kuri penaliti.
Umukino wakomeje ariko uza kurangirangira ari igitego 1-1 bituma APR FC ifata umwanya wa 2 namanota 45 naho kiyovu ihita ifata umwanya wa 1 n’amanota 47 bituma hazmo ikinyuranyo cy’amanota 2,ikipe ya gatatu ikaba ari Mukura n’amanota 37.
Indi mikino izaba ejo aho AS Kigali izakina na Gicumbi,Musanze FC ikaba izahura na Gorilla FC.
Kiyovu Sports iraye ku mwanya wa mbere
