Umuhungu wa Perezida Museven ,Lt Gen Muhoozi Kainerugaba yatangaje ko Uganda yirukanye umwe mu bayobozi bakuru ba RNC, aburira Kayumba Nyamwasa uyobora uyu mutwe ko ashatse yagenza make ibikorwa byo guhungabanya umutekano w’u Rwanda.
Ni ubutumwa bwabyutse butambutswa n’uyu mukuru w’ingabo zirwanira k’ubutaka aho yaburiraga Kayumba Nyamwansa usanzwe ubarizwa mu ishyaka rya RNC rigwanya Leta y’u Rwnda umubwirako icyo ashaka azakibona nagumya kurwanya Perezida Paul Kagame.
Kurukuta rwa Twitter ye yagize ati“Jenerali Kayumba, ndagusabye gerageza kubaha Uganda. Dufitanye amahoro na Afande Kagame n’u Rwanda. Gerageza kubyubaha. Twaraye twohereje umuntu wawe.”
Gusa muri ubu butumwa yanditse ntiyigeze agaragaza umuntu yavuze birukanye,gusa nanone nyuma yaje kwandika ubundi butumwa ashyiraho amafoto y’umuntu atavuze izina ari gusohoka mu Kibuga cy’Indege i Kampala.
Yagize ati “Ntabwo nkunda gukora ibi bintu, ariko niba birokora ubuzima bw’abasirikare banjye, nzakora icyo aricyo cyose. Ndashimira CMI, iyobowe na Gen Maj Birungi ku gikorwa cyiza. Umwanzi w’u Rwanda na Uganda yafashwe yoherezwa aho yaturutse.”
Inkuru dukesha IGIHE nuko uyu mugabo wirukanywe na Uganda ari Robert Mukombozi usanzwe ari umuhuzabikorwa wa RNC muri Australia.
Uyu mugabo akimara kugera I Kampala yahaswe ibibazo byinshi n’inzego z’umutekano,nyuma aza guhita asohorwa mu gihugu ikitaraganya.
Nyuma yibi byose nibwo Gen Muhoozi yasimbukiye ku rukuta rwa Twitter aho yagize ati”Kurwanya marume ni ikosa rikomeye ryakozwe mu gihe gishize. Nzi abamurwanyije bose mu gihe gishize ariko iteka iyo mbabajije impamvu, bambwira impamvu zidasobanutse.”
General Kayumba, please try to respect the Republic of Uganda. We have made peace with Afande Kagame and Rwanda. Try and respect that. We sent you your man last night.
— Muhoozi Kainerugaba (@mkainerugaba) April 2, 2022
I don't like doing this, but if it saves the lives of my soldiers, I will do anything. I thank CMI, under Maj.General Birungi for this excellent operation. This enemy of Uganda and Rwanda was picked up and sent back to wherever he came from. pic.twitter.com/Z1Y2DktyqO
— Muhoozi Kainerugaba (@mkainerugaba) April 2, 2022
Fighting my uncle was a huge mistake in the past. I know all those who fought him in the past but everytime I ask them what was the reason they give me very silly reasons. pic.twitter.com/cg4COY2Yqv
— Muhoozi Kainerugaba (@mkainerugaba) April 2, 2022
Iyo witegereje umubano w’u Rwanda n’igihugu cya Uganda ubona ko ugenda ugana aheza cyane ko Lt Gen Muhoozi Kainerugaba agiriye uruzinduko inshuro 2 mu Rwanda aho yabaga aje mu kuzahura umubano w’ibihugu byombi,aho uruzinduko rwambere yarugize kuwa 22 Mutarama 2022,nyuma y’igihe kitari kini aza kugaruka ubwo hari kuwa 14 Werurwe 2022 ari nabwo umukuru w’igihugu Paul Kagame yamugabiye inka.
Aha Lt Gen Muhoozi ubwo aheruka mu Rwanda yakiriwe n’Intumwa z’u Rwanda zirimo Brig Gen Willy Rwagasana (ubanza ibumoso) n’Umuvugizi wa RDF, Col Ronald Rwivanga
