Umukuru w’igihugu cy’u Rwanda Paul Kagame yagiriye uruzinduko rw’akazi rw’iminsi itatuku muri Repubulika ya Congo (Congo-Brazzaville) ku butumire bwa mugenzi we, Denis Sassou N’Guesso.
Perezida Kagame yageze i Brazzaville ku gicamunsi cyo kuri uyu wa Mbere tariki 11 Mata. Uruzinduko rwe ruzarangira ku wa 13 Mata 2022.
Ibiro by’Umukuru w’Igihugu, Village Urugwiro, byatangaje ku mbuga nkoranyambaga ko Perezida Kagame yakiriwe ku Kibuga cy’Indege na Perezida Denis Sassou N’Guesso.
Perezida Kagame yageze i Brazzaville aherekejwe n’abayobozi barimo Minisitiri w’Ububanyi n’Amahanga n’Ubutwererane, Dr Biruta Vincent; Minisitiri w’Imari n’Igenamigambi, Dr Ndagijimana Uzziel; Umuyobozi Mukuru w’Urwego rw’Iterambere, RDB, Akamanzi Clare n’abandi.
