Uburusiya bwari bwatangaje ko ubwato bwabo bwitwa Moskva bwangijwe n’ibiturika byari biri muri ubwo bwato ariko mu nyuma Ukraine yamaze kwigamba ko aribo barohamishije ubu bwato bakoresheje missile zabo.
Minisiteri y’ingabo y’Uburusiya yatangaje ko ubu bwato bwari bukomeye cyane bwahuye n’umuyaga ukomeye ubundi ukaburohamisha ubwo bwajyanwaga ku cyambu.
Ubwato bwa Moskva bwakoragamo abantu 510 burasa za missile bwari ikimenyetso cy’imbaraga z’igisirikare cy’u Burusiya, bwari buyoboye ibitero by’amato
muri Ukraine.
Inkuru dukesha BBC nuko Ukraine itangaza ko Missile zayo arizo zarashe ubu bwato bwa Moskva,ariko kurundi ruhande Uburusiya bukaba butigeze bwemera ko hari igitero cyagabye ibisasu kuri ubu bwato,ahubwo bemeza ko bwarohamye nyuma yo gufatwa n’inkongi.
Abarusiya bakomeje batangaza ko gufatwa n’inkongi kubu bwato byaturutse kubisasu bisanzwe biba muri ubu bwato byaturitse,banemeza ko abakozi babwo bahise bimurirwa mu bundi bwato bwari hafi aho.
