Abajura batoboye icyumba kibikwamo mudasobwa mu Rwunge rw’Amashuri rwa Rugogwe mu Murenge wa Ruhashya mu Karere ka Huye, biba mudasobwa 32 abanyeshuri.
Umunyamabanga Nshingwabikorwa w’Umurenge wa Ruhashya, Rugira Amandin Jean Paul, yavuze ko ubwo bujura bwabaye kandi Urwego rw’Igihugu rw’Ubugenzacyaha (RIB) ruri kubikoraho iperereza.
Ati “Byabaye ariko ntibirasobanuka neza uko zibwe ariko RIB iri gukora iperereza ryimbitse n’ubu niho bari.”
Mudasobwa zibwe ni izo mu bwoko bwa Positivo abanyeshuri basanzwe bigiraho amasomo y’ikoranabuhanga.
Kuri icyo kigo cy’ishuri hasanzwe hakorwa uburinzi n’abazamu babiri ariko ntabwo ari bo batanze amakuru y’ubujura bwabaye ahubwo bavuze ko batari babimenye.
