Uretse amanota 3 asa n’ayabaye inzozi muri AS Kigali, indi nkuru irimo ni umutoza wabo Mike Mutebi ugaragara arimo asinzira aho ari hose yewe no mu mukino hagati.
Gusinzira kwe ntabwo bikiri inkuru mbarirano ahubwo bisigaye bigaragarira buri umwe wese, bamwe mu bakinnyi bakaba babwiye bavuga ko nta kuntu batsinda mu gihe nta mutoza bafite.
Ati “urumva niba bigaragarira buri wese ni ubuyobozi bwakimenye kera, ni ikibazo nzi ko burimo gushaka uburyo cyakemuka kuko ntabwo ikipe yabona intsinzi bimeze gutya. Buriya ni uburwayi pe.”
Gusa kuri ubu AS Kigali yamaze gutandukana nuyu mutoza
Ubuyobozi bwa AS Kigali bukaba bwafashe umwanzuro wo kwirukana abatoza babiri bari bafite iyi kipe bakomoka muri Uganda, Mike Mutebi na Jackson Mayanja aho bamaze gusimbuzwa Casa Mbungo Andre wanakoresheje imyitozo yo kuri uyu wa Mbere tariki ya 25 Mata 2022.
Aba batoza birukanywe nyuma y’umusaruro mubi aho mu mikino 13 batoje batsinzemo itatu, batsindwa itatu banganya 7.
Basize AS Kigali ku mwanya wa 5 n’amanota 37 mu gihe APR FC ya mbere ifite 54.
Casa Mbungo Andre ni we wahise agirwa umutoza wa AS Kigali
