Harmonize umuhanzi uri mubakunzwe mu gihugu cya Tanzania ndetse no mu bihugu bitandukanye muri Africa yafungiwe muri Kenya ashinjwa guhabwa amafaranga ngo aririmbe mu tubyiniro dutandukanye ntabikore.
The Star ikinayamakuru cyo muri Kenya cyatangaje ko Harmonize yafunzwe nyuma yo gukorera igitaramo ahitwa KICC i Nairobi. Yatawe muri yombi kuri iki Cyumweru tariki 1 Gicurasi 2022 ariko afungurwa nyuma y’amasaha make.
Ifugwa ryuyu muhanzi ryatewe nuko sosiyete ya Melamani Limited isanzwe itumira abahanzi itanyuzwe n’uburyo uyu muhanzi yitwaye mu gitaramo, igahitamo kujya kumurega kuri polisi.Uyu muhanzi hari ibitaramo byari kubera mu tubyiniro atigeze aririmbamo, kandi yishyuwe amafaranga yose.
Harmonize mu ma masezerano yari afitinye niyi Company, yari kuririmba isaha imwe n’igice ahitwa Captains Lounge ariko yaririmbye iminota itanu gusa. Ibi byose bikaba aribyo byarakaje abari bamutumiye.
Harmonize yageze muri Kenya, ku wa Gatanu yagombaga kuhava kuri iki Cyumweru. Yatawe muri yombi yitegura kuva muri iki gihugu.Kuwa Gatanu, uyu muhanzi yishimanye n’abakunzi be muri zimwe muri club zo muri Nairobi ariko bamwe ntibishimire uburyo yitwaye kuko bumvaga yabaririmbira kandi mu masezerano yari yagiranye na ba nyirazo bitarimo.
Rajab Abdul Kahali uzwi nka ‘Harmonize’ yari afungiye kuri sitasiyo ya Polisi ya Kileleshwa mu Mujyi wa Nairobi.Nyuma yo gufungurwa yabwiye abakunzi be ko bamwitega mu kabyiniro ka Volume Club 001 muri Mombasa.
