Ubusabe bwa Papa Francis bwari bugamije kuganira na Putin ku irangizwa ry’intambara yo muri Ukraine. Ibi byahishuwe mu kiganiro yagiranye n’igitangazamakuru cyo mu Butaliyani cyitwa Corriere della Sera.
Papa Francis yavuze ko byari kuba iby’agaciro kuba ubutegetsi bw’u Burusiya bwatanga amahirwe y’ibiganiro ku guhagarika intambara ariko kugeza ubu batarabona igisubizo.
Ati “Kugeza ubu nta gisubizo turabona turacyagerageza nubwo mfite ubwoba ko ubu Putin adashobora ndetse adashaka uyu muhuro”.
Yakomeje avuga ko atifuza gusura Ukraine mbere y’u Burusiya nk’uko byari bimaze igihe bivugwa.
