Hakizimana Muhadjiri yavuze ko ko nta kintu yatangaza he mbere y’uko umwaka w’imikino wa 2021-22 urangira avuga ko Rayon sports ari kipe nziza umunyarwanda wese ukina umupira w’amaguru yakwifuza gukinira.
Hakizimana Muhadjiri yavuze ko ubu nta kintu yatangaza niba azatandukana na Police FC cyangwa se niba azayongerera amasezerano.
Yagizati “ibyo ng’ibyo ntabwo nabivuaho kuko shampiyona iracyahari, numva nzabivuga iyi shampiyona irangiye.”
Yakomeje avuga ko kuba ibiganiro na Rayon Sports bigeze kure, yavuze ko atabuza abantu kuvuga ibyo bashaka, gusa ngo ni ikipe nziza anayigiyemo ntacyo byaba bimutwaye.
Ati “abantu bavuga ibyo bashaka, ariko nk’uko nakubwiye biransaba shampiyona irangire kugira ngo buri muntu azamenye gahunda mfite. Rayon Sports ni nkuru buri muntu anubaha kuko ni ikipe nkuru hano, uba ugomba no kuyubaha urebye. Ibiganiro bigenze neza nkayisinyira nta kibazo kuko icya mbere ni uko umenya akazi kawe.”
Uyu musore Umwaka ushize yagiranye ibiganiro na Rayon Sports ntibyagenda neza ahitamo guhita yerekeza muri Police FC.
