Uyu mukinnyi ni umwe mu bakinnyi ngenderwaho muri Rayon Sports, ndetse byagiye bigaragara ko imikino atakinnye iyi kipe yagiye ihura n’ikibazo cy’umusaruro muke.
Ihurizo ku mutoza wa Rayon Sports, Jorge Paixão ari mu ihurizo nyuma y’uko ashobora gukina umukino wo kwishyura wa ½ cy’igikombe cy’Amahoro adafite umukinnyi we ngenderwaho, Willy Léandre Onana kubera ikibazo cy’imvune.
Umutoza wa Rayon Sports ashobora guhura n’ihurizo ryo gushaka umusimbura w’uyu mukinnyi kubera ko ikibazo Onana afite gishobora gutuma adakina uyu mukino kandi ari umwe mu bakinnyi ngenderwaho ndetse wanagaragaje ko akunze kugora APR FC.
Onana yagize imvune mu mukino ubanza wa ½ cy’igikombe cy’Amahoro wo APR FC yanganyijemo na Rayon Sports 0-0.
Uyu musore wari wagoye APR FC ari na we ugerageza gukora ikinyuranyo, yavuye mu kibuga umukino utarangiye kubera imvune y’akagombambari yagize, ISIMBI yamenye ko bigoranye ko yakina uyu mukino uzaba kuri uyu wa Kane tariki ya 19 Gicurasi 2022.
Amakuru avuga ko uyu mukinnyi w’umunya-Cameroun, nyuma y’uyu mukino yakorewe isuzumwa ngo bamenye uko imeze ariko hakaha nta mpinduka ziraba. Amahirwe menshi ni uko ashobora kudakina uyu mukino.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433,, +250783399900
