Manishimwe Djabel yashimiye ubuyobozi bw’iyi kipe uburyo babahora hafi, na we abasezeranya ko biteguye neza bazasezerera Rayon Sports mu gikombe cy’Amahoro.
Umukino ubanza warangiye amakipe yombi anaganya 0-0, APR FC ikaba isabwa gutsinda uyu mukino kugira ngo igere ku mukino wa nyuma.
Umuyobozi w’iyi kipe ku munsi w’ejo hashize, Lt Gen Mubarakh Muganga yasuye iyi kipe maze kapiteni w’iyi kipe y’ingabo z’igihugu, Manishimwe Djabel wavuze mu izina ry’abakinnyi, yamusezeranyije ko bazagera ku mukino wa nyuma kuko biteguye neza.
Ati “Twiteguye neza kandi impanuro muduha nk’ubuyobozi zifite kinini zidufasha, nk’uko muduhora hafi natwe nk’abakinnyi turiteguye dufite morale kandi twiteguye kwitwara neza na bagenzi banjye kuko buri kimwe turagifite abatoza bacu barahari kandi bari kudufasha neza.”
Lt Gen Mubarakh Muganga yababwiye ko icyo babitezeho ari intsinzi kandi bayibonamo kuko ubushobozi babufite.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433,, +250783399900
