Umuraperi ufite ibigwi Laouni Mouhid uzwi ku izina rya La Fouine,akaba afite inkomoko mu gihugu cya Marroc ndetse ufite ubwenegihugu bw’u Bufaransa ari naho yavukiye, agiye gukorera igitaramo mu Iserukiramuco rya ‘Africa in colors’ yatumiwemo mu Mujyi wa Kigali.
La Fouine wamenyekanye cyane mu indirimbo zinyuranye zirimo Ma Meilleure yafatanyije n’umuhanzi Zaho‘Tous les mêmes’, ‘Tombé pour elle’, ‘Veni Vidi Vici ‘ n’izindi.
Uyu muhanzi utegerejwe i Kigali aje kubera umuhanzi w’umukongomani wari watumiwe ariko agahagarika kwitabira ubutumire kubera igitutu akomeje gushyirwaho n’Abanye-Congo bamubwiraga ko nataramira mu Rwanda bazamugirira nabi ndetse bakaba bamwica ibi bikaba byatumye hahita hatekerezwa umuhanzi La Fouine ko yamusimbura.
Ubuyobozi bwa Africa in Colors akaba aribo bari gutegura iri serukiramuco batangaje ko ibiganiro nuyu muraperi bigeze kure kuburyo vubaha baratangaza umusozo wabyo.
Uwatanze amakuru yagize ati ” Ibiganiro bigeze kure, mu minsi mike turatangaza La Fouine nk’umuhanzi mukuru w’iri serukiramuco.”
Iserukiramuco rya Africa in Colors riteganyijwe kubera i Kigali kuva tariki 30 Kamena 2022 kugeza ku wa 3 Nyakanga 2022.
Ubuyobozi bwa ‘Africa In Colors’ buvuga ko nibura abantu ibihumbi bitanu bavuye mu Rwanda, muri Afurika n’ahandi ku Isi aribo bategerejwe kuzaryitabira.
Mu bahanzi bazitabira iri serukiramuco harimo itsinda rya Magic System rifite izina mu muziki wa Afurika, Umunyamideli ukomeye muri Afurika y’Epfo unaherutse kwegukana ikamba rya Miss Universe, Zozibini Tunzi, Jarrel Carter mubyara wa Jay Z unabarizwa muri Roc Nation y’uyu muraperi kimwe n’abandi bakomeye mu myidagaduro y’Isi.
Iri serukiramuco rizamara iminsi ine rizagaragaramo ibikorwa birimo ibiganiro, amahugurwa, ubumenyi ku ikoranabuhanga nshushanyakuri (virtual reality) n’imikino y’amashusho, imyidagaduro, imurikabikorwa, ingendo n’ibindi.
Ma Meilleure indirimbo yakunzwe yuyu muraperi afatanyije na Zaho
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
