Imodoka ya Sosiyete ya RITCO, sosiyete itwara abagenzi mu bice bitandukanye by’igihugu yafashwe n’inkongi igeze i Rubengera mu Karere ka Karongi.
kuri uyu wa Kane, tariki ya 16 Kamena 2022,iyi modoka nibwo yafashwe n’inkongi ahagana saa 17 n’iminota 40 Yari mu rugendo rwavuye mu Mujyi wa Kigali saa Saba z’amanywa rwerekeza mu Karere ka Rusizi.
Iyi bisi yatangiye gufatwa n’inkongi igeze ku cyapa cy’i Rubengera ubwo yari ihagaze bamwe muri bo bari kuyivamo.
Umwe mu bagenzi bari bayirimo yavuze ko bumvise amapine atangiye kunuka cyane basohokamo basohora imizigo yabo, icyakora hari mike yahiriyemo.Iyi modoka ikimara gufatwa n’inkongi abaturiye aho byabereye bumvise ikintu giturika, hashize akanya babona umwotsi mwinshi w’umukara uzamuka mu kirere.
Nta muntu n’umwe waguye muri iyi mpanuka kuko ubwo iyi modoko yafatwaga abagenzi bose bayivuyemo bwangu,isibye umugenzi umwe watangaje ko yasimbutse akavunika umugogo ndetse n’ukuboko.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
