Sadio Mane rutahizamu wa Bayern Munich mu Budage yahigitse mugenzi we Edouard Mendy bakomoka hamwe ukinira Chelsea n’umunya-Misiri, Mohamed Salah ukinira Liverpool maze yegukana igihembo cy’umukinnyi mwiza w’umwaka muri Afurika.
Mu gihugu cya Maroc i Rabat niho ibi bihembo byaraye bitangiwe n’impuzamashyirahamwe y’umupira w’amaguru muri Afurika (CAF) uyu mukinnyi akaba ye yesheje umuhigo we kwegukana iki gikombe ubugira kabiri yikurikiranya.
Sadio Mane ahawe iki gihembo nyuma y’uko yafashije ikipe y’igihugu cye gutwara igikombe cy’Afurika cya 2022 batsinze Misiri ku mukino wa nyuma, yanagejeje kandi Liverpool yahoze akinira ku mukino wa CAF Champions League.
Igitego cy’umwaka cyabaye icya rutahizamu w’umunya-Senegal ukinira Simba SC, Pape Ousmane Sakho yatsinze ASEC Mimosa muri CAF Champions League.
Asisat Ashoala ukinira FC Barcelona ukomoka muri Nigeria ni we wahembwe nk’umukinnyi mwiza w’umugore.
Dore uko ibihembo byatenzwe:
Umukinnyi w’Umwaka (abagabo): Sadio Mané (Sénégal & Bayern Munich)
Umukinnyi w’Umwaka (umugore): Asisat Oshoala (Nigeria & Barcelona)
Umutoza w’Umwaka (abagabo): Aliou Cissé (Senegal)
Umutoza w’Umwaka (abagore): Desiree Ellis (South Africa)
Ikipe y’Igihugu nziza (abagabo): Senegal
Umukinnyi muto wigaragaje (abagore): Evelyn Badu (Ghana & Sekondi Hasaacas Ladies/Alvaldsnes)
Umukinnyi muto wigaragaje (abagabo): Pape Matar Sarr (Senegal & Tottenham Hotspur)
Ikipe y’umwaka (abagore): Mamelodi Sundowns (South Africa).
Ikipe y’Umwaka (abagabo): Wydad Athletic Club (Morocco).
Interclub Player of the Year (abagore): Evelyn Badu (Ghana & Sekondi Hasaacas Ladies/Alvaldsnes)
Interclub Player of the Year (abagabo): Mohamed El Shenawy (Egypt & Al Ahly).
Igitego cy’Umwaka: Pape Ousmane Sakho (Senegal & Simba).
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
