Mugisha Benjamin uzwi nka The Ben, agiye kongera gutaramira mu nyubako y’imyidagaduro ya BK Arena nyuma y’imyaka ibiri ahakoreye amateka mu rugendo rw’umuziki we nk’umuhanzi umaze kubaka amateka.
The Ben uba muri Leta Zunze Ubumwe za Amerika akaba ari naho akorera umuziki, ategerejwe i Kigali mu gitaramo ‘Rwanda Rebirth Celebrations’ kizaba ku wa Gatandatu tariki 6 Kanama 2022.
Iki gitaramo byari biteganyijwe ko kizabera muri Canal Olympia ku i Rebero, ariko kuri uyu wa Mbere tariki 25 Nyakanga 2022 East Gold iri gutegura iki gitaramo yatangaje ko kizabera muri BK Arena kubera ubusabe bw’abakunzib’uyu muhanzi wizihiza imyaka irenga 10 mu muziki binumvikana ko ubwitabire bw’abafana buzaba buri hejuru.
Rwigema Gedeon yatangaje ko bahinduye aho iki gitaramo cyari kuzabera kubera ubusabe bw’abafana ba The Ben n’abakunzi b’umuziki muri rusange.
Yagize ati “Kuva twatangaza iki gitaramo, twabonye abantu benshi basaba ko cyabera muri BK Arena kubera ko ari ho haborohera kugera. Rero twubashye ibyifuzo n’ibitekerezo baduhaye.”
Kwinjira muri iki gitaramo harimo amatike y’ibiciro bitandukanye itike y’ibihumbi 50000 Frw ku bantu 8 kuri taburo aho uhabwa icyo kunywa no kurya, 10, 000 Frw, 20,000 Frw ndetse na 5000 Frw. Aya mafaranga yose akubiyemo ay’urugendo (Transport) izakugeza kuri BK Arena.
Iki gitaramo The Ben azagihuriramo na Kenny Sol, Chriss Eazy, Marina, Bushali ndetse na Bwiza. Ni mu gihe Dj
Toxxyk, afatanyije n’itsinda rya Dj Higa na Dj Rusam ari bo bazavanga umuziki muri iki gitaramo.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
