Umunyamakuru wa ISIBO TV, Murenzi Emmanuel uzwi mu itangazamakuru nka Emmalito, yateye intambwe idasubira inyuma yambika impeta y’urukundo umukunzi we Umwali Liliane nk’ikimenyetso cy’uko igihe kigeze kugira ngo babane nk’umugabo n’umugore.
Kuri uyu wa Kabiri tariki 2 Kanama 2022, nibwo Emmalito yambitse impeta umukunzi we Umwali. Emmalito yabwiye InyaRwanda ko we n’umukunzi we bamaze iminsi mu gihugu cya Kenya mu gace ka Nyeri ari naho yafatiye icyemezo cyo kumwambika impeta.
Uyu munyamakuru usanzwe ufite inzu y’imideli yise ‘Loto Ris Design’, yavuze ko imyaka itanu ishize ari mu rukundo n’uyu mukobwa.
Amusobanura nk’umuntu udasanzwe mu buzima bwe, byatumye yiyemeza ko amubera umufasha. Ati “Twari tumaze iminsi dutekereza kujya mu biruhuko, kuko twashakaga ahantu hihariye. Urabona ko ahantu twafatiye amafoto ari heza cyane.” Muri aka gace ka Nyeri ba mukerarugendo bakunda kuhasura cyane.
Umwali asanzwe atuye mu Mujyi wa Ottawa muri Canada. Emmalito avuga bitari byoroshye gukundana n’umuntu uri kure, ariko byarashoboka hamwe no kwizera. Ati “Tumaranye imyaka itanu mu rukundo, dukundana mu bihe bitoroshye bya ‘Long distance relationshiP’ ariko igihe cyari iki y’uko dufata icyemezo kugira ngo tugire ikindi twubaka.”
SRC:INYARWANDA
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
