Ubwo amatoro y’umukuru w’igihugu yatangiraga tariki 09 Kanama 2022 muri kenya umukandida William Ruto usanzwe ari Visi Perezida ni we wari imbere mu majwi, ariko kugeza mu gitondo cyo kuri uyu wa Kane, ibintu byahindutse ndetse anasigwa intera ndende.
Kugeza ubu amajwi amaze kubarurwa angana na 10.085.094. Muri ayo yose, icya kabiri cyayo ni abantu batoye Raila Odinga kuko afite amajwi 51,78% bingana n’abantu 5.222.154 bamushyigikiye.
William Ruto bahanganye wari n’imbere ku munsi wa mbere, ubu ari ku mwanya wa kabiri mu majwi kuko afite angana na 47,55% bingana n’abantu 4.795.542.
Umukandida George Wajackoyah wiyemeje kubyaza umusaruro urumogi, afite amajwi angana na 0,44% bingana na 44.479. David Waihiga we afite amajwi angana na 0,23% mu bingana na 23.125.
Ubundi mu gihugu cya Kenya kugira ngo umuntu atorerwe umwanya w’Umukuru w’Igihugu ni uko aba afite nibura amajwi 50% wongeyeho ijwi rimwe. Iyo ntawe uyagejeje, haba icyiciro cya kabiri cy’amatora.
Raila Odinga ashobora gutsinda amatora
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
