Kuri uyu wa Gatanu tariki 2 Nzeri 2022,Mugisha Benjamin’The Ben’ yasinye amasezerano y’imyaka itanu yo kuba Ambasaderi w’ikipe ya Basketball, Orion BBC
Uko aya masezerano ateye, nuko umuhanzi The Ben azajya yambara umwenda wiyi kipe Orion BBC,kwamamaza ibikorwa byayo ku mbugankoranyambaga ndetse akazajya anitabira imikino yayo mu gihe yaboneste,gusa ku mpande zombi ntibigeze batangaza amafaranga ari muri aya masezerano.Ikindi kiyongeraho nuko The Ben yashyizwe mu itsinda ryabagize inama y’iyi kipe.
Umuyobozi wa Orion BBC, Mutabazi James yavuze ko guhitamo gukorana na The Ben ari ibyagaciro kuko afite izina rikomeye ko kwamamaza ibikorwa by’ikipe yabo bizayifasha kumenyekana.
Yagize ati “The Ben afite izina rikomeye mu Rwanda no hanze yarwo, aho agera hose turashaka ko azajya ahageza n’ikipe yacu.”
Ku ruhande rwa The Ben nawe yavuze ko yakuruwe n’imishinga iyi kipe yamugejejeho.
Ati “Orion BBC ni ikipe nshya, burya nta cyiza nko kubona mukabya inzozi muri kumwe. Nakunze inzozi zayo ndetse n’imishinga yayo. Ikindi kandi umuziki n’imikino ni ibintu bigendena; rero ndasaba abafana banjye na bo gufana Orion BBC.”
Orion BBC izamutse vuba ivuye mu cyiciro cya 2 Nyuma yo kuzamuka ari iya kabiri inyuma ya Kigali Titans yatwaye igikombe cy’icyiciro cya kabiri.
The Ben amaze kuba ubukombe mu kugenda asinyira ibigo bitandukanye mu kwa mamaza ibikorwa byabo,ikindi nuko umuziki wuyu muhanzi umaze gukomera dore ko asanzwe awukorera muri Leta zunze ubumwe z’Amerika,kurubu akaba ategerejwe mu gitaramo mu gihugu cya Uganda.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433, +25078339990
