Abaturage ba Goma bari mu myigaragambyo barwaniye na Polisi ya Repubulika iharanira Demokarasi ya Congo ku mupaka wa Grande Barriere bashaka kwinjira ku ruhande rw’u Rwanda.
Mu gitondo cyo kuri uyu wa Gatatu tariki ya 15 Kamena 2022, abatuye umujyi wa Goma n’inkengero zawo babyukiye mu myigaragambyo bavuga ko yamagana u Rwanda n’umutwe wa M23 barushinja gufasha.
Iyi myigaragambyo yateguwe na Sosiyete Sivili ya Teritwariya Nyiragongo yitabiriwe na benshi biganjemo urubyiruko.
Mu mashusho y’iyi myigaragambyo akomeje gusaka ku mbuga nkoranyambaga , abigaragambya ubona ko barubiye, barwanira gufungura umupaka na Polisi nayo igerarageza kongera kuwufunga.
Goma, Grande barrière: Les congolais en manifestation, voulant entrer au Rwanda, force la barrière. pic.twitter.com/c5C1PgPiVk
— Oswald Oswakim (@oswaki) June 15, 2022
Iyi myigaragambyo ije ikurikira iyabereye mu bice bitandukanye nka Kinshasa n’imijyi nka Bukavu, yose bivugwa ko ko yamagana u Rwanda ruhungabanya umutekano wa RD Congo.
FARDC ntigihwema gushyira u Rwanda mu majwi, aho umuvugizi wa Guverineri w’Intara ya Kivu y’Amajyaruguru, Gen Ekenge Sylvain yanemeje ko umujyi wa Bunagana wafashwe na RDF atari umutwe wa M23 wawufashe.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
