Umuherwe w’Umurusiya uba muri Leta ya California mu zunze Ubumwe za Amerika (USA), Alex Konanykhin yasabye abasirikare b’igihugu cy’UBurusiya ari nacyo akamokamo ko bakora ibishoboka byose bagata muri yombi Perezida w’u Burusiya, Vladimir Putin.
ibi bije nyuma yuko Uyu muherwe yarakajwe nuko Putin yateye igihugu cya Ukraine ndetse akaba yaragaragaje ko ashyigikiye iki gihugu muri iyi ntambara, yasezeranyije umusirikare wafata Umukuru w’Igihugu ko azamuha amadolari ya Amerikamiliyoni imwe.
Mu butumwa yanyujije ku rukuta rwe rwa Facebook yagize ati: “Niyemeje guhemba $1,0000,000 umusirikare/abasirikare, uzubahirizaububasha ahabwa n’itegekonshinga, agafata Putin nk’umunyabyaha w’intambara hashingiwe ku mategeko y’u Burusiya na mpuzamahanga.”
Konanykhin kandi avuga ko Putin yishe amatora yo mu bwisanzure, yica n’abatavuga rumwe n’ubutegetsi bwe.Uyu muherwe wemeza ko azakomeza gushyigikira ko Ukraine yirwanaho muri iyi ntambara, mu kiganiro yagiranye na Business Insider, yavuze komu gihe n’abandi bakwiyemeza guhemba uzafata Perezida Putin, byarangira bibaye.
Yagize ati: “Mu gihe abandi bantu bahagije bafata icyemezo nk’iki, byakongera amahirwe yo gufungwa kwa Putin, akagezwa imbere y’ubutabera.”
Uyu muherwe ubusanzwe yahungiye muri Leta zunze ubumwe z’Amerika zikaba zaranamuhaye icyangombwa nk’impunzi ya politiki mu 1999.
Alex Konanykhin umuherwe usanzwe yibera muri USA akaba ari impunzi ya Polike kuva 1999
