Uyu mukino uteganyijwe ku wa Gatatu w’iki cyumweru tariki ya 11 Gicurasi 2022 ukaba uzabera kuri Stade Regional i Nyamirambo.
Ibiciro by’uyu mukino ni uko ahasigaye hose (ahadatwikiriye) bizaba ari ibihumbi 5, ahatwikiriye ibihumbi 10, mu myanya y’icyubahiro (VIP) ni ibihumbi 20 ni mu gihe muri VVIP ari ibihumbi 50.
Bimenyerewe ko ubundi iyo aya makipe yahuye n’ubundi ibiciro bizamuka, itike ya menshi yabayeho ni ibihumbi 30 ariko kuri iyi nshuro siko bimeze yatumbagijwe cyane.
Rayon Sports niyo izwiho kuzamura ibiciro cyane by’imikino bitewe n’abafana ifite, nko muri 2018 bakiriye Enyimba FC mikino Nyafurika itike yaguraga ibihumbi 30, mu Kwakira 2019 bakiriye Bugesera FC itike nabwo yaguze ibihumbi 30.
Ubwo u Rwanda rwakiraga imikino ya CECAFA Kagame Cup muri Nyakanga 2019, nabwo imikino ibiri ya ¼ yarebwaga n’uwishyuye 30$ ku bicara mu myanya y’abanyacyubahiro.
