Utu duhimbazamusyi amakipe adutanga ku mikino batsinze, ndetse amakuru avuga ko nta kipe itanga ‘prime’ yo kunganya kereka nko ku makipe amwe na mwe, nabwo biterwa n’uburemere bw’umukino bakinnye n’icyo baharaniraga.
AS Kigali na Police FC niyo makipe atanga agahimbazamusyi kari hejuru muri shampiyona y’icyiciro cya mbere mu Rwanda
Ikipe ya Kiyovu Sports buri mukinnyi mu masezerano yiyumvikaniye n’ubuyobozi agahimbazamusyi azajya ahabwa ku mukino batsinze, ni mu gihe ariko nta mukinnyi ujya munsi y’ibihumbi 30, amakuru avuga ko uko batsinze hari amafanga agenda yiyongeraho.
APR FC ku mukino iyi kipe yatsinze umukinnyi wayo ahabwa ibihumbi 50 by’amafaranga y’u Rwanda, agenda azamuka uko batsinze imikino yikurikiranya, yiyongeraho ibihumbi 25, ariko iyo batsinzwe cyangwa bakanganya bahita basubira ku bihumbi 50. Iyi kipe kandi nayo hari igihe izamura agahimbazamusyi bitewe n’uburemere bw’umukino.
Rayon Sports ni imwe mu makipe atanga agahimbazamusyi kari hasi aho itanga ibihumbi 25, gusa aya hari igihe yiyongeraho ayatangwa n’abafana, kandi nayo bitewe n’uburemere bw’umukino hari igihe bakubirwa.
Uduhimbazamusyi tw’amakipe yo mu cyiciro cya mbere 2021-22
Police FC 60,000 Frw
AS Kigali 60,000 Frw
APR FC 50,000 Frw
Musanze FC 40,000 Frw
Kiyovu Sports 30,000 Frw
Espoir FC 30,000 Frw
Gasogi United 30,000 Frw
Etoile del’Est 30,000 Frw
Gorilla FC 30,000 Frw
Rayon Sports 25,000 Frw
Bugesera FC 25,000 Frw
Rutsiro FC 25,000 Frw
Mukura VS 20,000 Frw
Etincelles FC 20,000 Frw
Marines FC 20,000 FRW
Gicumbi FC 20,000 Frw
Inkuru ya ISIMBI.RW
Mushobora kudukurikirana ku mbuga nkoranyambaga zacu mukajya muba aba mbere mu kubona amakuru agezweho buri munsi.Kanda hano udukurikirane kuri Facebook, Kanda hano udukurikirane kuri Twitter cyangwa ukande hano ukore subscribe kuri Youtube
