Carlos Alós Ferrer Umutoza w’ikipe y’igihugu Amavubi, yamaze guhamagara abakinnyi 24 bazavamo abazakina na Ethiopia mu ijonjora rya nyuma ryo gushaka itike ya CHAN 2023.
Abakinnyi umutoza Carlos Alós Ferrer yahamagaye abenshi batunguwe no kutabonamo ntabwo abakinnyi bitwaye neza muri shampiyona irangiye 2021-2022 nka Omborenga Fitina ndetse na Manishimwe Djabel ba APR FC bari bamenyerewe mu ikipe y’igihugu ariko muri iyi minsi ntabwo bahagaze neza mu ikipe ya bo.
Haruna Niyonzima wa AS Kigali yongeye guhamagarwa nyuma yuko utari yahamagawe mu ikipe y’igihugu yakinnye na Mozambique na Senegal.
Rutahizamu Jacques Tuyisenge na we yongeye guhamagarwa mu ikipe y’igihugu, ni nyuma y’iminsi mike asinyiye AS Kigali.Ukundi gutungurana kwabayemo ni Ganijuru Elie wa Rayon Sports wayamagawe ku nshuro ye ya mbere mu Mavubi.
Ikipe y’igihugu Amavubi yahamagawe izatangira umwiherero ku Cyumweru yitegura umukino ubanza aho Ethiopia izakirira u Rwanda kuri Uwanja wa Mkapa tariki ya 26 Kanama 2022 ni mu gihe uwo kwishyura uzabera mu Rwanda tariki ya 3 Nzeri 2022. CHAN ikaba izabera muri Algeria umwaka utaha.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433, +250783399900
