Umutoza w’ikipe y’igihugu y’u Rwanda, Carlos Alós Ferrer yamaze uhamagara ikipe y’igihugu Amavubi azifashisha mu mikino ya mbere yo gushaka itike y’igikombe cy’Afurika cya 2023 kizabera Côte d’Ivoire.
Umutoza w’ikipe y’igihugu akaba yahamagaye abakinnyi 28 azifashisha. Ntabwo harimo kapiteni w’ikipe y’igihugu, Haruna Niyonzima, ntiharimo kandi Niyonzima Olivier Seif uri mu bihano.
Ntiharimo kandi Yannick Mukunzi ukina muri Sweden na Rwatubyaye Abdul ukina muri Macedonia, bombi bafite ikibazo cy’imvune.
Ikindi cyagaragaye kuri uru rutonde ni ukugaruka mu ikipe y’igihugu k’umunyezamu Kwizera Olivier wari umaze iminsi adahamagarwa.
Rafael York, Nirisarike Salomon, Mutsinzi Ange Jimmy, Manzi Thierry, Imanishimwe Emmanuel, Bizimana Djihad na Meddie Kagere nibo bakinnyi bakina hanze bahamagawe mu ikipe y’igihugu.
Umutoza kandi akaba yerekanye n’abazamwungiriza bayobowe na Jacint Magrina Clemente, Yves Rwasamanzi. Umutiza ushinzwe kongera ingufu ni Mwambari Serge ni mu gihe umutoza w’abanyezamu ari Mugabo Alex.
- Abanyezamu: Kwizera Olivier (Rayon Sports), Ntwari Fiacre ( AS Kigali, Rwanda) na Kimenyi Yves (Kiyovu Sports, Rwanda)
- Ba Myugariro: Imanishimwe Emmanuel (FAR Rabat), Nirisarike Salomon (Urartu FC, Armenia), Niyomugabo Claude (APR FC, Rwanda), Mutsinzi Ange Jimmy (CD Trofense, Portugal), Buregeya Prince (APR FC, Rwanda), Omborenga Fitina (APR FC, Rwanda), Manzi Thierry (FC Dila Gori, Georgia), ndayishimiye Thierry (Kiyovu Sports, Rwanda), Ishimwe Christian (AS Kigali, Rwanda), Nsabimana Aimable (APR FC), Niyigena Clement (Rayon Sports) na Serumogo Ali (SC Kiyovu)
- Abakina Hagati: Manishimwe Djabel (APR FC), Nishimwe Blaise (Rayon Sports), Bohneur Mugisha (APR FC), Bizimana Djihad (KMSK Deinze), Muhire Kevin (Rayon Sports), Rafael York (AFC Eskilstuna, Sweden) na Ruboneka Jean Bosco (APR FC)
- Ba Rutahizamu: Danyy Usengimana (Police FC), Byiringiro Lague (APR FC) Meddie Kagere (Simba SC), Hakizimana Muhadjiri (Police FC), Ndayishimiye Antoine Dominique (Police FC), Mugunga Yves (APR FC)
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433,, +250783399900
