Louis cy’imyaka 4 Igikomangoma cy’Ubwami bw’u Bwongereza y’amavuko cyakoreye agashya mu birori by’Umwamikazi Elizabeth II, ubwo yizihizaga yubile y’imyaka 70 amaze yimitswe.
Uyu muhungu wa William, William nawe kaba umuhungu wa Elizabeth II, yitabiriye ibi birori n’abandi mu muryango w’ibwami byabereye ku ngoro ya Buckingham kuri uyu wa 2 Kamena 2022.
Ubwo bari ku ibaraza ry’ingoro y’ibwami, uyu mwana yari kumwe n’abavandimwe be babiri, Charlotte na George, ababyeyi be, ibumoso bwe hari Elizabeth II. Yari yambaye neza neza nk’uko se William yari yambaye mu 1985 ubwo Umwamikazi yizihizaga isabukuru y’amavuko.
Uyu muryango ubwo wakurikiranaga ibikorwa byaranze ibi birori birimo akarasisi k’abasirikare ndetse byagaragaye ko Louis yari yishimiye abaturage bari bahari, kuko yamaze umwanya munini abapepera.
Ariko byageze aho indege z’intambara zari mu karasisi zigera mu kirere hejuru y’iyi ngoro byose birahinduka, kuko Louis yahise yipfuka amatwi akomeje, arahumiriza cyane ndetse yasama nk’usakuza n’ijwi rirenga, bigaragara ko urusaku rw’izi ndege rwari rumubangamiye.
Ikinyamakuru Sky cyakurikiranye inkuru y’uyu mwana cyo cyagize kiti: “Igikomangoma Louis cyihariye ibirori ku ibaraza ry’Ingoro ya Buckingham ubwo indege zagurukiraga mu kirere cyaho, muri yubile y’Umwamikazi.”
Indege zimaze kugenda, uyu mwana yapfukuye amatwi maze yongera gupepera abakurikiranaga ibi birori. Umwamikazi n’abandi baje kugenda, we aguma ku ibaraza, ni bwo umubyeyi we Catherine yamumenyesheje ko agomba kwinjira imbere mu ngoro.
Elizabeth Alexandra Mary Windsor cyangwa se Elizabeth II yimitswe tariki ya 2 Kamena 1953 asimbuye se Albert Frederick Arthur George wari ufite izina ry’ubwami rya George IV watanze tariki ya 6 Gashyantare 1952.
Louis byasaga n’aho atishimiye urusaku rw’izi ndege
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433,, +250783399900
