Umunyarwenya Japhet Mazimpaka ari mu byishimo nyuma yo gutaramira aba nya -Nigeria i Lagos akaba aricyo gitaramo yakoze ari wenyine hanze y’igihugu cy’u Rwanda.
Iki gitaramo cya ‘JJC (Jokes, Jabs & Chill) cyabaye mu ijoro ryo kuri uyu wa 15 Werurwe 2023; aho Japhet Mazimpaka yagihuriyemo n’abandi banyarwenya bo mu Mujyi wa Lagos.
Japhet Mazimpaka niwe munyarwenya ni we wenyine ukomoka hanze ya Nigeria witabiriye iki gitaramo ‘JJC (Jokes, Jabs & Chill)’ gisanzwe kibera i Lagos kigategurwa n’umunyarwenya Olu Salako wamenyekanye nka SLK.
Japhet Mazimpaka aganira n’IGIHE ari igitaramo cyagenze neza cyane cyari icya mbere akoreye hanze y’u Rwanda nk’umunyarwenya wabigize umwuga.
Ati “Byari ibintu bishimishije, ntabwo nari nzi ko nakora urwenya mu Cyongereza abantu bakishima, nibaza ko ari amahirwe adasanzwe nagize kandi nabonye ko dufite imiryango myinshi ifunguye, dukeneye kwinjiramo gusa.”
Sicyo gusa uyu munyarwenya yasorejeho kuko ategerejwe mu kindi cyateguwe n’umunyarwenya wo muri Nigeria wamamaye nka Basketmouth kizaba ku wa 19 Werurwe 2023.
@japhetization now is an international stand up comedian! umuhungu ubu ari kubarizwa i Lagos muri Nigeria aho afite ibitaramo bikomeye birimo iki yaraye akoze pic.twitter.com/S6Xx1qbUyA
— Emmy Rwanda (@Emmy_Rwanda1) March 16, 2023
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu.
