Kuri uyu mugoroba mu gihugu cy’u Bufaranda i Paris hatanzwe igihembo kiruta ibindi mu mupira wa maguru mu bagabo ‘Ballon d’Or’Karim Benzema ukinira Real Madrid yo muri Espagne akaba ariwe wakegukanye ku nshuro ye yambere.
Iki gihembo si mubagabo gitangwa gusa kuko n’umugore wahize abandi muri ruhago nawe aragihabwa,kikaba cyahawe Alexia Putellas ukinira FC Barcelona.
Uyu mwaka byari byitezwe cyane ko Karim Benzema yegukana iki gihembo dore ko imibare yagarazaga ko ariwe mukinnyi uri hejuru yabandi,iki gihembo kikaba cyatanzwe ku nshuro yacyo ya 66.
Ibi birori byari byitabiriwe n’abakinnyi batandukanye, abatoza, abakanyujijeho ndetse n’abandi batumirwa bafite aho bahuriye n’umupira w’amaguru ku Isi.
Benzema mu mwaka ushize w’imikino yatsinzemo ibitego 44 mu mikino 46, anahesha ikipe ye gutwara ibikombe bya LaLiga na UEFA Champions League,ibi bikaba byamuhaga amahirwe kurusha abandi.
Iki gihembo yagishyikirijwe na Zinedine Zidane,bikaba byari ibyishimo ku nshuro ye yambere.
Benzema yafashe ijambo avuga ko atewe ishema n’iki gihembo, yongeraho ko “byari inzozi kuva mu bwana”ashimira abakinnyi bakinana muri Real Madrid n’Ikipe y’Igihugu y’u Bufaransa.
Abandi bakinnyi bahembwe barimo Sadio Mane waje ku mwanya wa kabiri, Kevin de Bruyne aba uwa gatatu, naho Robert Lewandowski aza ku mwanya wa kane.Gavi ukinira FC Barcelona ni we wahawe igihembo kizwi nka Kopa Trophy, gihabwa umukinnyi ukiri muto w’umwaka.
Ibihembo byakomeje,aho hatanzwe igihembo gishya cy’umukinnyi witwaye neza akabanira bagenzi be neza n’ikinyabupfura, Socrates Award, cyahawe Sadio Mane.
Thibaut Courtois ukinira Real Madrid yahawe igihembo cy’umunyezamu witwaye neza agitwara ahigitse Ederson Moraes na Alisson Becker.
Manchester City yabaye ikipe y’umwaka wa 2021-2022.
Karim Benzema yegukanye’ Ballon d’Or’ ku nshuro ye yambere.
Alexia Putellas nawe yahembwe nk’umugore wahize abandi muri ruhago
Thibaut Courtois yahembwe nk’umunyezamu wahize abandi.
Gavi ukinira FC Barcelona ni we wahawe igihembo kizwi nka Kopa Trophy, gihabwa umukinnyi ukiri muto w’umwaka.
Socrates Award igihembo cy’ukinnyi wabaniye abandi neza, cyahawe Sadio Mane.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433,, +250783399900
