Ni nyuma yuko gutora abakobwa batambutse mu majonjora ya Miss Rwanda 2022 bitangiye aho hashize iminsi itatu iki gikorwa gitangiyeumukobwa witwa Ruzindana Kelia ni we uyoboye bagenzi be mu majwi.
Tariki 17 Gashyantare 2022 ubwo hari kuwa 4 ni bwo abakobwa 70 bahataniye ikamba rya Miss Rwanda
2022 batangiye gutorwa. Babiri (2) muri bo bazahiga abandi mu matora bazahita babona amahirwe yo
kujya muri 20 bazajya mu mwiherero (Boot Camp) w’ibyumweru bitatu.
Aya motora ari kubera kuri internet uburyo bwo gutora bukaba ari ugukanda *554*33* Code# ubundi ukabasha
gutora umukobwa ashaka akoresheje Mobile Money na Airtel Money. Ni mu gihe abatuye hanze
batora bifashishije uburyo bwa Online.Abatuye mu Rwanda bemerewe gukoresha ubu buryo bwose. Abatuye hanze barakoresha uburyo bwa Online ndetse na Visa Card. Muri aya matora, ijwi rimwe ni 100 Frw.
Uyu mukobwa Ruzidana Kelia wotowe ahagarariye Umujyi wa Kigali aho afite [Nimero 47] ni we ufite amajwi menshi kuko amaze kugira 20, 831. Ku mwanya wa kabiri hari Kazeneza Marie Merci [Nimero 26] ufite amajwi 17,570.
Nshuti Muheto Divine akaba umwe mu bakobwa bavugishije benshi kubera ubwiza bwe akaba afite [Nimero 44] we ari ku mwanya wa Gatatu n’amajwi 16, 726. Mutabazi Isingizwe Sabine [Nimero 38] ari ku mwanya wa Kane n’amajwi 15, 482 n’aho Iradukunda Christian [Nimero13] ari ku mwanya wa Gatanu n’amajwi 12, 184.
Kelia w’imyaka 18 y’amavuko uyoboye abandi mu majwi, yivuga nk’umukobwa ugira intego ihamye kandi akizerera mu gukora cyane, amahoro n’uburenganzira bwa muntu.
Nimwiza Meghan umuvugizi wa Rwanda Inspiration Back Up, aherutse kubwira gutangaza ko
uko irushanwa rikomeza gutera imbere ari na ko bagenda bakora impinduka mu rwego rwo kujyanisha
n’ibyifuzo by’abakurikira iri rushanwa no guteza imbere abakobwa.Avuga ko kuri iyi nshuro, amafaranga azinjizwa na buri mukobwa binyuze mu matora, azahabwa 20%
by’amafaranga yinjije.
Ati “Kuri buri cyiciro umukobwa azageraho kuva muri ‘Pre-Selection’ kugeza mu bihe bindi bazaba
batora kuri ‘finale’ no muri Boot Camp hose, umukobwa azagenda abona 20% by’amafaranga
y’abamutoye.”“Kandi ntabwo ari Online gusa cyangwa USSD gusa, ahubwo azajya agenda abona 20% y’abamutoye.
Ni 20% y’amajwi yose y’abamutoye.”
Gahunda y’Ibirori byo guhitamo abakobwa 20 bazajya muri ‘Boot Camp’ bizaba tariki 26 Gashyantare 2022 kuri
Expo Ground i Gikondo.Bizatangira saa kumi z’amanywa. Kwinjira ni 10, 000 Frw mu myanya isanzwe na 20,000 Frw muri VIP.
