Mu Rwanda Minisiteri y’Ubuzima yatangaje ko nta muntu wahitanywe na COVID-19, biba umunsi wa kabiri wikurikiranya nta wishwe n’iki cyorezo ku butaka bw’u Rwanda.
Mu itangazo rya Minisante ryo ku wa Mbere, tariki ya 25 Ukwakira 2021 rivuga ko abanduye COVID-19 ari 57 mu bipimo 10.887 byafashwe mu masaha 24 ashize.Ubwandu bushya buri kugenda bugabanuka ugereranyije no mu minsi yashize ndetse ubu bugeze ku ijanisha rya 0.5%.
Minisante yerekanye ko kuba nta murwayi wahitanywe na COVID-19 byatumye umubare w’abamaze kwicwa n’iki cyorezo uguma ku 1.320. Nta murwayi winjijwe mu bitaro ndetse nta n’uwasezerewe nyuma yo gukira.
Kuba icyorezo cya Covid-19 kiri kugabanuka ndetse nabihitanywe nacyo nabo bakaba bari kugabnuka bifitanye isano no kuba umubare munini w’abaturarwanda bakingirwa bigatuma abandura baba bake ndetse n’abarwaye ntibarembe cyane ku buryo byabaviramo urupfu.
Ubu ngubu mu Rwanda hamaze gukingirwa mu buryo bwuzuye [ni ukuvuga abahawe dose zombi, barimo 24.287 bafashe dose ya kabiri uyu munsi] abantu 1.811.757 kuva ibi bikorwa byatangira ku wa 5 Werurwe 2021. Abantu 3.670.094 ni bo bamaze guhabwa dose imwe y’urukingo barimo na 18.742 bayifashe uyu munsi.
Mushobora kudukurikirana ku mbuga nkoranyambaga zacu mukajya muba aba mbere mu kubona amakuru agezweho buri munsi.Kanda hano udukurikirane kuri Facebook, Kanda hano udukurikirane kuri Twitter cyangwa ukande hano ukore subscribe kuri Youtube
