Ni umukino w’ikirarane w’umunsi wa kabiri wa Shampiyona utarakiniwe igihe kubera imikino mpuzamahanga APR FC yari yaritabiriye aho warangiye ikipe ya Bugesera FC itsinze ibitego 2 kuri kimwe cya APR FC.
Nubwo ikipe ya APR FC yatsinzwe uyu mukino ,ariko yatangiye isatira cyane kuburyo wabonaga ko ariyo ihabwa amahirwe yo gutsinda ndetse abakinnyi bayo bagiye bakorerwaho amakosa menshi n’ikipe ya Bugesera FC.
Mu minota ibanza umupira wakinirwaga hagati cyane kuburyo wabonaga ko ntakipe iri gusatira kurusha indi gusa ikipe ya Bugesera yagezaho ihindura uburyo ikajya ishotera amashoti kure,aho Vincent Adams w’ikipe ya Bugesera FC Yarekuye ishoti rikomeye cyane ariko Ishimwe Pierre bimugoye awushyira hanze.
Ntibyatinze kuko ku munota wa 28 ikipe ya APR FC yabonye uburyo bwavuyemo igitego cyayo cya mbere, ku ishoti rikomeye ryatewe na Nshuti Innocent , umunyezamu Nsabimana Jean De Dieu yinjizwa igitego atyo.
Ku munota wa 45 Bugesera FC yaje kubona igitego cyayo cyambere gitsinzwe na Vincent Adams ku makosa ya Ishimwe Pierre wananiwe gufunga neza umupira wigira mu rucundura. Igice cya mbere cyongeweho iminota ine cyarangiye amakipe yombi anganya igitego 1-1.
Ubwo igice cya kabiri cyatangiraga umutoza Adil yakoze impinduka akuramo Ruboneka Jean Bosco, Ishimwe Djabel na Niyomugabo Claude basimbuwe na Blaise Itangishaka, Mugunga Yves na Ishimwe Fiston.
Bidatinze ku munota wa 48′ Bugesera FC yahise ibona igitego cyayo cya 2 cy’umutwe gitsinzwe na Sentongo Ruhinda Faruk aho cyaturutse ku gusohoka nabi k’umunyezamu wa APR FC .
Nyuma yizi mpinduka ikipe ya APR FC yakomeje kwataka ariko biba ibyubusa aho ku munota wa 70’PR FC yabonye andi mahirwe ku ikosa ryakorewe Ishimwe Christian, APR ibona Coup Franc yatewe neza na Byiringiro Lague, umuzamu Nsabimana awugarura mu rubuga rw’amahina ariko Mugunga ananirwa gukozaho ikirenge gusa.
Umutoza Adil yaje kwongera gukora impinduka akuramo Nshuti Innocent wasimbujwe Djuma Nizeyimana agirango nibura arebe ko yakwishyura ariko imonta 90′ irangira ntagitego babonye.
Uminota yarangiye umusifuzi ashyiraho iminota ine y’inyongera ariko nabwo ntibyagira icyo bitanga kuko ikipe ya Bugesera FC yakomeje kurinda izamu ryayo neza.
Bugesera yaherukaga gutsinda APR FC nyuma y’imyaka irindwi ishize,ubu ikaba imaze gutsinda imikino 2 n’amanota 6.
Ikipe ya Bugesera FC yitwaye neza itsinda APR FC ibitego 2-1.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
