Iki cyemezo cyatangajwe binyuze kuri Televiziyo y’Igihugu ya Sénégal, RTS.
Perezida Sall yari mu ruzinduko mu birwa bya Comores ubwo Sénégal yari ihanganye na Misiri mu mukino waberaga kuri Stade Olembé y’i Yaoundé ku Cyumweru, nyuma yo gutsinda, yahise asubika uruzinduko rwe asubira mu gihugu kugira ngo ayakire.
Amakuru dukesha Televiziyo y’Igihugu ya Sénégal avuga ko Perezida Sall azahura n’aba bakinnyi ku wa Kabiri tariki 8 Gashyantare 2022 kugira ngo abashimire ndetse anabambike imidari.
Mu ijoro ryo ku Cyumweru nibwo Ikipe y’Igihugu ya Sénégal yegukanye Igikombe cya Afurika ku nshuro ya mbere nyuma yo gutsinda iya Misiri penaliti 4-2 ubwo ibihugu byombi byari byanganyije ubusa ku busa mu minota 120 y’umukino wa nyuma wabereye kuri Stade Olembé y’i Yaoundé kuri iki Cyumweru.
