Mu muhango wabaye kuri uyu wa Gatandatu tariki 7 Gicurasi wabereye muri Élysée,Emmanuel Macron yarahiriye manda ya kabiri nka Perezida w’u Bufaransa.
Emmanuel Macron ahigitse uwo bari bahanganye Marine Le Pen ku majwi 58,5%.
Mu ijambo rito yagejeje kubari bitabiriye uyu muhango yashimangiye ko manda ye ya kabiri igiye kuba nshya, ko idashingiye gusa gukomereza ku byo yari yaratangiye.
Ati “Dukeneye imikorere mishya, itandukanye n’ibintu bidahinduka, tukubaka itanga umusaruro.”
Uyu muhango witabiriwe n’abantu basaga 500 barimo abahoze ari abakuru b’igihugu mu Bufaransa,hari François Hollande na Nicolas Sarkozy,Edouard Philippe, Manuel Valls, Alain Juppe na Jean-Pierre Raffarin, babaye ba Minisitiri w’Intebe bari bitabiriye uyu muhango.
