Rwarutabura arazwi cyane muri Ruhago yo mu Rwanda aho amenyerewe gufana Ikipe ya Rayons Sports ndetse n’ikipe y’Igihugu,kuri uyu mugoroba yaraye akoze impanuka ya moto Imana ikinga akaboko,gusa byatumye arara mu bitaro,bamwe mu bafana ba APR FC bamwereka urukundo baramusura.
Ejo kuwa kabairi nibwo Rwarutabura yakoze impanuka ubwo yari agiye mu Nzove ku myitozo y’iyi kipe yitegura umukino wo kwishyura wa 1/2 cy’igikombe cy’Amahoro bazakinamo na APR FC ku munsi w’ejo ku wa Kane tariki ya 19 Gicurasi 2022.
Ibi byabaye ubwo Rwarutabura yari ageze mu muhanda w’igitaka werekeza ku kibuga cyo mu Nzove, moto yari ariho igongana n’indi maze aba ari we ukomereka ahita yihutanwa kwa muganga aho yajyanywe ku bitaro bya Nyarugenge akaba ari ho arwariye.
Nkundamatch nawe usanzwe ari umufana ukomeye wa Rayons Sports akaba ari nawe umurwaje mu bitaro bya Nyarugenge yagize ati”Impanuka yayikoze ejo, yaraye mu bitaro abaganga bamwitaho. Uyu munsi nibwo bamunyuza mu cyuma, ubu urabona yoroherwa nta kibazo. Yari ageze muri wa muhanda w’igitaka wo mu Nzove moto yari ariho igongana n’indi aba ari we ukomereka.”
Uyu mugabo yeretswe urukundo n’abafana bamwe ba APR FC barimo n’ubundi umufana ukomeye wa APR FC Rujugiro ibi bikaba bigaragaza urukundo rw’abantu bakunda sports muri rusange,ndetse bana aba bafana banamusigiye ibahasha irimo amafaranga yo kwifashisha.
Abarimo Rujugiro basuye mugenzi wabo bafatanyije umwuga wo gufana
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433,, +250783399900
