Ku wa gatatu, guverinoma ya Tanzaniya yahagaritse ikinyamakuru cyaho kubera ko cyatanagaje inkuru y’ibinyoma kivuga ko Perezida Samia Suluhu Hassan atazahatanira kwiyamamariza umwanya w’umukuru w’igihugu mu 2025, iki akaba ari ikinyamakuru cya mbere gihagaritswe mu gihe cya Hassan.
Ikinyamakuru cyahagaritswe, Uhuru, gifitwe n’ishyaka riri ku butegetsi Chama cha Mapinduzi (CCM), ryatangiyekuva mu 1961. Uyu mwanzuro wafashwe nyuma yahoo ikinyamakuru Uhuru, ku wa gatatu yatangaje inkuru y’urupapuro rwambere,bagira bati ” Samia-Ntabwo mfite umugambi wo guhatanira umwanya wa Perezida mu 2025.”
Mu ijambo rye, umuyobozi ushinzwe amakuru mu gihugu, Gerson Msigwa, yagize ati: “Perezida Samia Suluhu Hassan nta makuru yigeze avuga ko adafite umugambi wo guhatanira umwanya wa perezida mu 2025”.
Muri Werurwe, Hassan yatangiye imirimo ye nyuma y’urupfu rw’uwo yarabereye visi perezida John Magufuli, uzwi ku izina rya “bulldozer”,akaba yararanzwe no kutita cyane nibivugwa k’ubukana bwa Covid-19 kandi ahagarika ibinyamakuru byinshi mu gihe cy’imyaka itandatu yari amaze ku butegetsi.
Kuva yatangira imirimo, Hassan yerekanye impinduka , asaba ko abaturage baba maso kuri Covid-19 kandi bagashyiraho ingamba zo gukumira ikwirakwizwa ryayo.
Ishyaka CCM riri ku butegetsi ryatangaje ko ubuyobozi bwa Uhuru bumaze guhagarikwa harimo abayobozi batatu bakuru bayobora iki kinyamakuru, barimo umuyobozi mukuru, kubera iyi nkuru.
Msigwa yavuze ko iryo hagarikwa rizamara iminsi 14 kandi Uhuru ashobora kujuririra iki cyemezo muri minisitiri y’itangazamakuru.
news24.com
