Umuhanzi Mugisha Benjamin (The Ben) yageze i Kigali muri iki gitondo cyo kuri uyu wa gatatu aho eje gukora igitaramo cy’amateka yatumiwemo kizaba muri iyi weekend tariki 06 Kanama 2022 muri BK Arena.
Akigera ku kibuga mpuzamahanga i Kanombe yakiriwe n’abanyamakuru ndetse n’abafane be n’abakunzi b’umuziki we barimo umwana wamwambitse ikamba, ndetse yari yambaye umupira wanditseho ‘King is back’ (umwami yagarutse).”
The Ben aje mu Rwanda akubutse mu gihugu cya Suede aho yari yagiye gukorera igitaramo nyuma yicyo yari yakoreye mu gihugu cya Uganda.
Ubwo yaganiraga n’itangazamakuru yavuze ko yishimiye kugaruka ku ivuko ashumangira ko igitaramo agiye gukora ari nk’ubukwe.
Yagize ati“Ndumva nishimye! Nta kintu kiruta kuba umuntu ari mu rugo. Iyi nshuro rero hari ibintu bishya turi
gutegura ku munsi wa gatandatu (aravuga igitaramo). Ndumva nezerewe cyane. Ndumva niteguye,muri make ni ubukwe.”
Kwinjira muri iki gitaramo ni ibihumbi 10 Frw mu myanya isanzwe, ibihumbi 20 Frw hasi mu kibuga, mu myanya y’icyubahiro bikaba ibihumbi 20 Frw naho VVIP bikaba ibihumbi 50 Frw, mu gihe abanyeshuri bazinjirira ku bihumbi 5 Frw ku bazaba baguze amatike mbere.
Abazagurira amatike ku muryango mu myanya isanzwe bazayagura ibihumbi 15 Frw, mu gihe VIP bizaba ari ibihumbi 25 Frw kimwe no mu kibuga hagati naho VVIP bikaba ibihumbi 55 Frw. Itike y’ibihumbi 200 Frw ikagurwa ibihumbi 250 Frw.
Abazitabira iki gitaramo ndetse n’abanyeshuri bo mu Mujyi wa Kigali, itike bazaba baguze izajya iba irimo n’ikiguzi cy’urugendo rubageza ahabereye igitaramo rukanabacyura.
Iki gitaramo The Ben azagihuriramo n’abahanzi barimo Kenny Sol, Chriss Eazy, Marina, Bushali ndetse na Bwiza. Ni mu gihe Dj Toxxyk, afatanyije n’itsinda rya Dj Higa na Dj Rusam ari bo bazavanga umuziki muri iki gitaramo cy’amateka gishobora kuzitabirwa ku rwego rwo hejuru.
Abanyamakuru bari benshi bari babukereye
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
