Uburyo tombola yakozwemo, bafashe uduseke turimo agapapuro kanditseho amazina y’amakipe 8 yakomeje anyuze mu ijonjora, maze abahagarariye amakipe 8 ya mbere bakaza bakoramo (bakurikije uko bakurikirana mu manota) maze agapuro akuyemo akaba ari yo kipe bazahura.
Rayon Sports yatomboye bwa mbere ikaba yatomboye Musanze FC, AS Kigali yari yohereje Team Manager wayo, Bayingana Innocent yatomboye Etincelles.
Mukura niyo yakurikiyeho aho yari ihagarariwe na MD, Jerome Gasana ni we wakurikiyeho atombora Etoile del’Est, Kiyovu Sports yatomboye Marines FC.
Team Manager wa APR FC, Cpt Guillaumme, yatomboreye APR FC atombora Amagaju FC. Umunyamabanga wa Police FC, CIP Obed Bikorimana akaba yatomboye ikipe ya La Jeunesse.
Surnise itari ifite uwayihagarariye yatomboye Gasogi United ni mu gihe Bugesera FC yatomboye Gicumbi FC.
Aya makipe afite amanota menshi akaba ari yo azabanza gukinira hanze, imikino ibanza izakinwa hagati y’itariki 4 na 5 Mata 2022.
Uburyo kandi tombola imeze ni uko muri 1/4 ikipe izakomeza ku mukino wa 1 izahura n’iyakomeje ku mukino 8, ikipe izakomeza ku mukino wa 2 ihure n’iyo ku mukino wa 7, iyo ku mukino wa 3 ihure n’iyo ku mukino wa 6 ni mu gihe iyo ku mukino wa 4 izahura n’iyo ku mukino wa 5.
Uko tomola yagenze
- Musanze Vs Rayon Sports
- Etincelles Vs AS Kigali
- Marine FC Vs Kiyovu Sports
- Amagaju Vs APR FC
- La jeunesse Vs Police fc
- Gasogi Vs Sunrise
- Gicumbi Vs Bugesera Fc
Mushobora kudukurikirana ku mbuga nkoranyambaga zacu mukajya muba aba mbere mu kubona amakuru agezweho buri munsi.Kanda hano udukurikirane kuri Facebook, Kanda hano udukurikirane kuri Twitter cyangwa ukande hano ukore subscribe kuri Youtube
