Umujyi wa Beijing washyizeho ingamba nshya zigamije gukumira ubwandu bwa Covid-19, zirimo kugabanya urujya n’uruza. Ku rundi ruhande, Umujyi wa Shangai wo uri muri Guma mu Rugo y’iminsi 12 ndetse birashoboka ko yakongerwa kugira ngo hirindwe ikwirakwira rya Omicron.
Aho abaturage batari muri Guma mu Rugo, ntabwo bemerewe guhurira mu bikorwa rusange bihuza abantu benshi nk’ibirori bibera ahantu hafunganye n’ubwo bemerewe kujya hanze.
Kuva iki cyorezo cyakongera kwanduka mu Bushinwa tariki ya 1 Werurwe, hamaze kuboneka abantu barenga ibihumbi 200, mu gihe mu masaha 24 ashize abanduye bo barenga 1300.
Kugeza ubu, 88,5% by’abaturage b’u Bushinwa bamaze gukingirwa.
Izi ngamba ziri gukazwa nyuma y’aho mu minsi ishize ubwandu bwa Covid-19 bwongeye kuzamuka mu gihugu.
Mushobora kudukurikirana ku mbuga nkoranyambaga zacu mukajya muba aba mbere mu kubona amakuru agezweho buri munsi.Kanda hano udukurikirane kuri Facebook, Kanda hano udukurikirane kuri Twitter cyangwa ukande hano ukore subscribe kuri Youtube
