Minisante yatangaje ko abantu batandatu basanzwemo ubwoko bushya bwa Covid-19 buzwi nka Omicron, nyuma yo gusuzuma byimbitse abagenzi binjira mu gihugu. Abasanzwemo ubu bwoko ni abagenzi ndetse n’abahuye nabo.
Covid -19 y’ubwoko bwa Omicron yagaragaye bwa mbere muri Afurika y’Epfo mu Ugushyingo uyu mwaka, amakuru akavuga ko bwihinduranya cyane ku buryo hari impungenge z’ubushobozi bwabwo mu bijyanye no kwandura vuba.
Minisiteri y’Ubuzima yaboneyeho gusaba Abanyarwanda bari hejuru y’imyaka 12, gukomeza kwitabira ibikorwa byo kwikingira kuko ari bwo buryo burambye mu kwirinda ubu bwoko bushya bwa Covid-19.
Kugeza ubu, abamaze guhabwa dose ya mbere y’urukingo ni 6.925.192 mu gihe abamaze guhabwa dose ya kabiri y’urukingo ari 4.259.242. Abamaze guhabwa dose ishimangira ni abantu 27.220.
Mushobora kudukurikirana ku mbuga nkoranyambaga zacu mukajya muba aba mbere mu kubona amakuru agezweho buri munsi.Kanda hano udukurikirane kuri Facebook, Kanda hano udukurikirane kuri Twitter cyangwa ukande hano ukore subscribe kuri Youtube
