Indege ya kajugujugu y’igisirikare cya Uganda, UPDF yakoze impanuka mu gace ka Fort Portal mu karere kaKabarole igwa ku nzu y’umuturage .
Igisirikare cya Uganda cyatangaje ko cyatangiye gukora iperereza ry’icyateye iyi mpanuka.
Tariki 24 Nzeri 2022,nibwo Iyi mpanuka yabaye ubwo iyi kajugujugu yo mu bwoko bwa MI 24 yari itaragenda n’ikilometero kimwe kuva ihagurutse ku kibuga cy’indege cya gisirikare kiri muri aka gace.
Itangazo UPDF yashyize hanze yavuze ko iyi ndege igihaguruka yahise igira ikibazo cyatumye uwari uyitwaye ashaka uko agomba kuyisubiza hasi byihutirwa.
Iti “Muri iki gitondo kajugujugu yacu yo mu bwoko bwa MI 24 yagize ikibazo mu mikorere ubwo yari mu rugendo, uwari uyitwaye yafashe icyemezo cyo kuyisubiza ku butaka mu buryo butunguranye.”
Nta muntu n’umwe wigeze agwa muri iyi mpanuka uretse umukecuru umwe wakomeretse ubwo iyi kajugujugu yagwaga ku nzu yari arimo.
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
Tubafitiye n’ibitabo by’abana iby’ikinyarwanda , igifaransa n’icyongereza . Uramutse wifuza kugurira umwana wawe igitabo watwandikira kuri : sopublishers@gmail.com cyangwa ukaduhamagara kuri : Tel: +250783203433, +25078339990
