Ingabo z’u Burusiya zikomeje urugendo rwazo rwerekeza mu Murwa Mukuru wa Ukraine, Kyiv, aho mu gitondo cyo kuri uyu wa Gatatu zatangaje ko zafashe Umujyi wa Kherson uri mu Majyepfo y’igihugu.
Muri uko gufata uwo mujyi, Minisiteri y’Ingabo iyoborwa na Sergei Shogyu, umusirikare mukuru umaze gukorana n’abayoboye u Burusiya bose kuva mu myaka ya 1990, yavuze ko ingabo zanarashe ku nyubako ikoreramo Televiziyo i Kyiv.
Iyi minisiteri yavuze ko inyubako z’abaturage i Kherson zo ziri gukora mu buryo busanzwe aho ngo nta kibazo cy’ibiribwa bafite cyangwa se ibindi bikoresho nkenerwa by’ibanze.
Bivugwa ko inzego z’ubuyobozi muri uwo mujyi ziri kugirana ibiganiro n’Ingabo z’u Burusiya bigamije kuzana ituze muri ako gace.
Ingabo z’u Burusiya ziri muri Ukraine zimaze gutera ibice 60 by’ingabo za Ukraine aho ibikorwaremezo birenga 1500 by’Ingabo za Ukraine bimaze gusenywa.
