Umugore wa Umugore wa Jose Chameleone, Daniella Atim usanzwe abarizwa muri Amerika yashyize hanze andi mafoto Weasel akorera iyicarubozo Teta Sandra nyuma yuko nubundi hasohotse inkuru igaragaza uyu mugore afite ibikomere mu maso bivugwa ko yakubiswe n’umugabo we.
Daniella ntahwema kugaragaza ko yababajwe bikomeye n’iyicarubozo Weasel akorera Teta Sandra,kugeza ubu umugore wa Chameleone akaba yafashe umwanzuro wo gukorera Sandra ubuvugizi.
Abinyujije ku rukuta rwe rwa Instagram, Daniella akibona uburyo Weasel aherutse gukubita Teta Sandra, yavuze ko adashobora kuvuga kubera uburakari ahubwo yizeza abamukurikira kuzagira icyo avuga mu gihe kiri imbere.
Ati “Nabibonye, abantu benshi bari kubinyoherereza bambaza icyo mbitekerezaho, nzababwira icyo ntekereza ninsubiza ubwenge ku gihe. Nize gufata ururimi rwanjye mu gihe ndakaye.”
Daniella amafoto yashyize hanze nayo mu mwaka wa 2021 yerekana uko Teta Sandra yari yakorewe iyicarubozo na Weasel.
Akimara gushyira hanze aya mafoto yagize Ati “Aya ni amafoto ya Sandra mu Ukuboza, akeneye ubufasha bwose bushoboka. Akeneye ijwi ryacu kugira ngo yigarurire icyizere, mureke tumujye inyuma tumufashe muri uru rugendo. Bagore mwese nta gihe cyo gufasha mugenzi wanyu kitari iki, bamwe bakunze kuvuga ko bavugira abagore, igihe ni iki.”
Teta Sandra ubwo hasohokaga inkuru yihohoterwa yakorewe,nyuma yaje gushyira hanze ubutumwa buvugako yatezwe n’amabandi akamwambura telephone akamukubita akamukomeretsa.
Gusa ababonye ubu butumwa babyamaganiye kure bavuga ko uyu mugore yanditse ibi kubera gutinya umugabo usanzwe ari umunyamahane ndetse usanzwe anamuhohotera,ahubwo basaba ko uyu mugore yagakwiye gukorerwa ubuvugizi kugirango atavanwa mu gihugu cy’u Bugande ari umurambo.
Ifoto igaragaza Teta Sandra amerewe nabi nyuma yo gukubitwa bikomeye na Weasel
Kanda hano udukurikirane (Follow) kuri Facebook Page yacu, cyangwa ukande hano ukore subscribe kuri Youtube Channel yacu
